Ama-seamers abeka ama-Proteas ngaphambili ngo-2-0 kwi-series

Standard Bank Proteas all-rounder  Andile Phehlukwayo celebrates the wicket  with Hashim Amla  (Photo by Sameera Peiris/Gallo Images)

Standard Bank Proteas all-rounder Andile Phehlukwayo celebrates the wicket with Hashim Amla (Photo by Sameera Peiris/Gallo Images)

Ama-seamers ama-Standard Bank Proteas aphinde anciphisa i-Sri Lanka kumphumela ongaphansi kwe-par ukuze izivakashi zinqobe kabili e-Dambulla kanye nokuba ngaphambili ngo-2-0 kwi-ODI series yemidlalo emihlanu ngoLwesithathu.

Banqobe ngama-wicket amane kusele amabhola angu-43.

i-Sri Lanka iphinde yanqoba i-toss futhi yakhetha ukushaya kuqala kodwa bashesha bazithola ngaphansi kwencindezi ngesikhathi u-Lungi Ngidi ethatha ama-wicket amabili emabholeni alandelanayo kwi-over yakhe yokuqala.

Nokho bakwazile ukuthola ama-partnership adlulile kuma-runs angu-50 kuholwa i-partnership yama-runs angu-67 nge-wicket yesine phakathi kwa-Angelo Mathews (79 not out off 111 balls, 6 fours) no-Niroshan Dickwella (69 off 78 balls, 10 fours), ama-Proteas akwazile ukuthatha ama-wicket njalo ukubeka i-Sri Lanka ku-244/8 kuma-overs angu-50.

Wonke ama-wicket ayisishagalombili akhishwe ama-seamers u-Ngidi (3/50 in 8 overs) no-Andile Phehlukwayo (3/45 in 9 overs) bathole impumelelo kunabanye.

Womabili ama-spinners nawo ayidlalile indima yawo u-JP Duminy no-Tabraiz Shamsi baphisana ngama-runs angu-73 kuma-overs angu-17 aphoswe yibona.

Noma yiliphi ithuba i-Sri Lanka akade linalo ukubuyela kumdlalo kuphelile ngesikhathi benika u-Hashim Amla ne-Man of the Match u-Quinton de Kock impilo njengoba behlele i-partnership ye-wicket yokuqala yama-runs angu-91 okubalwa u-67 kwi-power play yokuqala.

u-De Kock no-Faf du Plessis banezezele ngama-runs angu-53 nge-wicket yesithathu, futhi nokho belahlekelwe ama-wicket amaningi ngasekugcineni komjaho wabo, baphinde banqoba kahle.

u-De Kock (87 off 78 balls, 13 fours, 1 six) udlale indima enkulu. Ubukeke sengathi uyothola ikhulu kodwa ebethi ushaya ibhola kakhulu kanti lizonqakwa. Ukube uyitholile i-boundary ebezofika kuma-runs angu-4 000 kuma-ODI.

Ama-Proteas azojatshuliswa ukuthi abavula umdlalo baphinde bahlanganisa i-partnership enkulu. Banendima enkulu njengoba iqembu lakhela i-ICC Cricket World Cup yonyaka ozayo.

i-spinner u-Akila Dananjaya uyena ohlaselile kwi-Sri Lanka futhi nokho ethathe ama-wicket amathathu, uphisane ngama-runs adlulile ku-50 kuma-overs akhe angu-10.

i-ODI yesithathu izodlalwa ngeSonto e-Pallekele, umdlalo wosuku.