i-CSA ihalalisela u-Van Niekerk no-Khuzwayo ngokuthola ama-SRSA Awards

Momentum Proteas women's captain, Dane van Niekerk.

Momentum Proteas women's captain, Dane van Niekerk.

Namhlanje i-Cricket South Africa (CSA) ihalalisele ukapteni wama-Momentum Proteas Women u-Dane van Niekerk ne-KZN Administrator u-Sanelisiwe Khuzwayo ngokuthola imikhlomelo kuma-Sport and Recreation South Africa (SRSA) awards e-Gauteng ngeSonto ebusuku.

u-Van Niekerk uthole umklomelo omuhle ophuma kwi-SRSA Minister kwathi u-Khuzwayo waqokwa njenge-Administrator of the Year.

“Sihalalisela u-Dane no-Sanelisiwe ngokuthola ama-awards aqhakazile. Umndeni we-CSA uyaziqhenya ngabo bobabili,” kuphawula i-CSA Acting Chief Executive u-Thabang Moroe. “U-Sanelisiwe uthole kabili njengoba athole umklomelo ofanayo kuhulumeni wase-KZN.”

“u-Dane ube ukapteni oncomekayo kuma-Proteas, othathe ubuholi esamncane, futhi lonke izwe labuthanda ubuholi bakhe futhi ukudlala kweqembu lama-Proteas elacishe lafika kwi-ICC final okokuqala.”

“Kube unyaka omuhle kithina lona kwikhilikithi yabesifazane njengoba ama-Proteas afinyelele kuma-semi-finals e-ICC Women’s World Cup kanye nokubalwa kulaba akade bengathola umklomelo we-SRSA Team of the Year kanye no-Hilton Moreeng ngokubalwa kulaba akade bengathola i-SRSA Coach of the Year award.”

“Siphinde sihalalisele u-Keshav Maharaj obengathola i-SRSA Newcomer of the Year award. U-Keshav ohamba phambili kubantu abaphosa nge-spin emhlabeni esikhathini esingaphansi konyaka ngaphandle kokuba nethuba lokuphosa kwi-sub-continent.”

“Izibalo zakhe ziyazikhulumela: 43 wickets kulonyaka kanye nokuthola ama-wicket angu-50 emidlalweni angu-12.”

“i-CSA iyaziqhenya ngabathole imiklomelo kanye nalaba akade benethuba lokuyithola imiklomelo.”

u-Mr. Moroe uphinde wabonga u-Dr. Raymond Uren no-Advocate Mthetheleli Ngumbela abathole i-Steve Tshwete Lifetime Achievement awards.

“Halala kuzona zombili lezinkakha emdlalweni e-Eastern Cape. U-Raymond wayengoyedwa kulaba abalwela ukuhlukunyezwa kumdlalo futhi, ngesikhathi senkululeko, wagxila ekukhuliseni abadlali abancane. U-Mthetheleli udlale indima enkulu ekukhuliseni imidlalo eminingi e-Eastern Cape okubalwa khona ikhilikithi.”

“Kuhle ukuthi siyagubha, hayi abadlali bethu abasha kodwa nalaba ababekhona ngaphambi kwabo ukuze bona bakwazi ukufeza amaphupho abo namhlanje,” esho evala u-Mr. Moroe.