u-Hendricks, no-Shamsi bahamba phambili njengoba i-SA ‘A’ ithole i-bonus point yesibili

PRETORIA, SOUTH AFRICA - JULY 30: Reeza Hendricks of South Africa reaches and celebrates a century during the Tri-angular Series match between South Africa A and Afghanistan A at Assupol Tuks Oval on July 30, 2017 in Pretoria, South Africa. (Photo by Sydney Seshibedi/Gallo Images)

PRETORIA, SOUTH AFRICA - JULY 30: Reeza Hendricks of South Africa reaches and celebrates a century during the Tri-angular Series match between South Africa A and Afghanistan A at Assupol Tuks Oval on July 30, 2017 in Pretoria, South Africa. (Photo by Sydney Seshibedi/Gallo Images)

u-Reeza Hendricks ushaye ama-runs angu-173 emabholeni angu-145 no-Tabraiz Shamsi othathe ama-wicket amane ngama-runs angu-19, ukunika iqembu le-Powerade South Africa A ukunqoba kwesibili kulandelana, kanye ne-bonus point kwi-One-Day Triangular Series, bedlala ne-Afghanistan A e-Assupol Tuks Oval ePitoli ngeSonto.

u-Hendricks ebemi kahle, washaya o-four abangu-14 kanye no-six abahlanu njengoba ehole iqembu lasekhaya kumphumela othusayo ongu-336/5 emuva kokuthi kuthiwa abashaye kuqala. Kube ikhulu le-List A lesishagalolunye lomdlali wama-bizhub Highveld Lions. Ukapteni u-Khaya Zondo naye udlale indima nama-runs angu-62 emabholeni angu-55, okubalwa khona o-four abathathu kanye no-six ababili. U-Heinrich Klaasen no-Henry Davids nabo baqale kahle, bahlanganisa u-30 (40 balls) no-22 (34 balls) ngokulandelana kwabo.

Abaphosayo ngathi ibingekho impendulo kwi-South Africa, kodwa u-Rahmat Shah (2/58) uqede ama-partnership amabili amakhulu, kuqala ngeyokuqala emdlalweni, ama-runs angu-79 no-Davids, kwalandela ama-runs angu-60, i-wicket yesithathu no-Klaasen. Inkinga enkulu idalwe i-partnership yama-runs angu-135 no-Zondo nge-wicket yesine kodwa, igcine iqedwe u-Fareed Ahmad.

Izivakashi azivelanga zayekela nje. Impendulo yazo ikhanyiswe o-four abangu-15 kanye no-six abayisishagalombili, njengoba kade bejaha. u-Shah udlale kangcono nge-bat, wathola ama-runs amaningi angu-55 emabholeni angu-54 (5x4, 1x6), kwathi u-Nasir Jamal, u-Najibullah Zadran no-Afsar Zazai banezezela ngo-33, u-26 no-24 ngokulandelana kwabo kodwa abaphosayo kwi-South Africa, abaholwe u-Shamsi baqhakazile ngosuku. Ophosa i-left-arm spin kuma-Proteas uthole i-spell esincomekayo kuma-overs ayisishagalombili okubalwa khona ama-maidens amabili, kwathi u-Dane Paterson no-Dwaine Pretorius bathola u-3/29 no-2/36 ngokulandelana kwabo.

i-Afghanistan ikhishwe ngama-runs angu-172 kuma-overs angu-32.2. Bazodlala ne-India emdlalweni olandelayo, enkundleni eyodwa ngo-1 August, bese i-South Africa izodlala ne-India ngoLwesine, 3 August.